قصة فليلة الشيطانه

كان يامكان في قديم الزمان........................... هادي كانت وحده حرمه وربنا رزقها ببنت وسمتها فليفله.هادي البنت كبرت-الله يهديها مره شيطانه-كل يوم لها مشكله يوم تضرب بزورة الجيران ويوم تجر شعرهم ويوم تكب الزباله في الدرجان ويوم ضربت الحرمهعى يدها وهي ماشيه في الزقاق وشعترت لها الدقيق . راحوا اشتكوها على ابوها قام مسكهاواداها ديك العلقه لمن داخة وحطها في الكيس وربط عليهاوشالهارماها في الخلا وقا عشان يجي اسد ياكلها ويريحنا من شقاوتها ثاثه بدويات ماشين في الخلا جيعانين شافواهادا الكيس حسبوا اكل وفكوا الكيس لقوا هادي البنت سالوها : انتي مين قالت لهم :انا فليفله قالوا لها:م ين سوا فيك كذا قالت لهم :ابويا وحكت لهم حكايتها قالو لها:تعالي عندنا. احنا ماعندنا ابو ولا ام وكل يوم البنات يغزلوا مفرش والضغيره تاخذو وتبيعوا في السوق وتشتري بحق المفرش تمر وبر وهم يسون القهوه وكل وحده تاكل فصين تمره وتشرب فنجالين قهوه قالت فليفله لهم : هادا ايه ؟ انتو ماعندكم اكل غير دا؟ قالوا ها نعمه من الله . قال طيب اروح اجيبلكم اكل ندرت تمشي تمشي تمشي الين لقيت داك البيت الكبير حق الغوله راحت تجري تجري تجري ولقت ذاك الباب عليه قفل كبيره كديه كبره اتشعبطت اتشعبطت اتشعبطت وطلت على الحوش لقته مليان حمام ودجاج ووز وغنم ومن الجميع الحيوانات قالت كيف ادخل والباب مقفل ؟؟؟؟؟ سارت تدور تدور تدور حوالين البيت الين حصلت على داك القدوم وكسرت الجدر الين اتخرق خرق قدكده قالت ايوه دحين امديني ادخل ودخلت راسها وبعدين جسمها ودخلت على المطبخ لقت رز وعدس وسمن وعسل قالت ايوه خليني اخذ لاخواتي البدو والغوله ك يوم تذبح طلي وتقطعه بالنص وتحطه في القدر يستوي وتروح ولمن تجي تاكله شالت فليفله القدر والمقاضي على راسها وراحت ودته لاخواتها البدو فرحوا مساكين جاعانين حطت لهم ثلاثه حجار وعليها الحطب وطبخوا واكلو وانبسطوا وصاروا يحبونها كانها اختهم وكل يوم تروح فليفله على بيت الغوله وتجيب حاجات والغوله مي فيه واحد يوم دخلت على غرفت النوم ولقت النونو حق الغوله جات بتبوسه الا هو فاتح فمه يبا ياكل خدها قالت له انت صغير وتبغى تاكل خدي تبغي تجي زي امك غوله راحت جابت اسكين ودبحته وقطعته وحطته محل نص الطلي في القدر الي على النار وبعدين اكمل بس تراها القصه طويله ومااقدر اكتبها كلها معليش معليش


هههههههههههههههههههههههههههههههههههههههههههههههههه هههههههههه